არჩილ ჯაფარიძე ხანძრის ქრობის ღონისძიებებში ჩართულ ყველა პირს მადლობას უხდის
რაჭა-ლეჩხუმსა და ქვემო სვანეთში სახელმწიფო რწმუნებული არჩილ ჯაფარიძე ამბროლაურის მუნიციპალიტეტის სოფელ კრიხში ხანძრის ქრობის ღონისძიებებში ჩართულ ყველა პირს მადლობას უხდის.
როგორც „ინტერპრესნიუსს“ ამბროლაურის მუნიციპალიტეტიდან აცნობეს, სოფელ კრიხში ხანძარი ლიკვიდირებულია. შემთხვევის შედეგად არავინ დაშავებულა.
„სამი დღე- ღამის განმავლობაში შემთხვევის ადგილზე მობილიზებული იყო 150 მეხანძრე-მაშველი, ადგილზე შექმნილი იყო სამუშაო შტაბი, რომელსაც საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსი დავით სუხიშვილი ხელმძღვანელობდა, ადგილზე იმყოფებოდა შინაგან საქმეთა მინისტრის მოადგილე იოსებ ჭელიძე, უწყვეტ რეჟიმში მორიგეობდნენ სასწრაფო დახმარების ბრიგადები.
მინდა, მადლობა გადავუხადო ყველას, ვინც საკუთარი სიცოცხლის რისკის ფასად, უზრუნველყო ხანძრის ლიკვიდირება და ჩვენი მოსახლეობისთვის საფრთხის არიდება“, - აცხადებს ჯაფარიძე.
v-if="article.gallery" v-html="article.gallery"
