ბათუმის მერია 13 მარტიდან  დისტანციური მუშაობის რეჟიმზე გადადის

13 მარტიდან ბათუმის მერია დისტანციური მუშაობის რეჟიმზე გადადის. გადაწყვეტილება არ შეეხება ბათუმის მერს, ვიცე-მერს, მერის მოადგილეებსა და სამსახურის ხელმძღვანელებს. ისინი მუშაობას ჩვეულ რეჟიმში განაგრძობენ. ამის შესახებ "ინტერპრესნიუსს" ბათუმის მერიიდან აცნობეს.

მათივე ინფორმაციით, აღნიშნული გადაწყვეტილება განპირობებულია კორონავირუსის გავრცელების პრევენციით.

"გადაწყვეტილება არ იმოქმედებს შრომის ეფექტიანობაზე. საჭიროების შემთხვევაში, დისტანციური მუშაობის რეჟიმზე გადასული თანამშრომელი უწყებაში მოთხოვნისთანავე გამოცხადდება. აღნიშნული გადაწყვეტილება არ შეეხება იმ სამსახურებს, რომელთა დისტანციურ რეჟიმზე გადასვლაც შეაფერხებს უწყების მუშაობას. 13 მარტიდან: შეიზღუდება მუნიციპალიტეტში არსებული ყველა საბჭოსა და კომისიის სხდომები, გარდა ჯანდაცვის მიმართულებისა. ,,ხელმისაწვდომი საცხოვრისის“ პროგრამაში განაცხადების მიღება 15 აპრილამდე შეჩერდება. გაუქმდა მოქალაქეთა მიღება. მოქალაქეებს შესაძლებლობა ექნებათ სატელეფონო კომუნიკაციის ფორმატი გამოიყენონ",-ნათქვამია ინფორმაციაში.

მერიის ცნობით, დაინტერესებულ პირებს შეუძლიათ კონსულტაციები შემდეგ ტელეფონის ნომერზე მიიღონ: 0422 272606, ასევე, ისარგებლონ ელექტრონული ფოსტით: info@batumi.ge.

"საჯარო ინფორმაციის გამოთხოვა უნდა მოხდეს ელექტრონულად, შემდეგი ელ. ფოსტის საშუალებით: foi@batumi.ge გაუქმდა ,,ბათუმობასთან“ დაკავშირებული ღონისძიებები. გადაიდო ყველა კულტურული ღონისძიება, რომელიც არ არის დაკავშირებული კონკრეტულ თარიღთან. მათ შორის, ფესტივალი ,,განდაგანა“",-ნათქვამია ინფორმაციაში.

ბათუმის მერია მოუწოდებს მოსახლეობას, გარდა გადაუდებელი აუცილებლობისა, 6 აპრილამდე თავი შეიკავონ ბათუმის მერიის მოქალაქეთა მომსახურების ცენტრში მისვლისაგან.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს