სოფელ მუშევანამდე მისასვლელი გზის მშენებლობის მეორე ეტაპი მიმდინარეობს

ბოლნისის მუნიციპალიტეტის მერი დავით შერაზადიშვილი, პირველ მოადგილე ბუბა გობეჯიშვილთან და სივრცითი მოწყობისა და ინფრასტრუქტურის სამსახურის უფროსთან კონსტანტინე კორძაძესთან ერთად სოფელ მუშევანამდე მისასვლელი გზის მშენებლობის მეორე ეტაპის პროცესს გაეცნო.

როგორც „ინტერპრესნიუსს“ ბოლნისის მუნიციპლატიტეტის მერიიდან აცნობეს, ინფრასტრუქტურული სამუშაოს ფარგლებში გზაზე ბეტონის საფარი დაიგება. გზის მშენებლობა „რეგიონებში განსახორციელებელი პროექტების ფონდისა“ და ადგილობრივი თვითმმართველობის ფინანსური მხარდაჭერით ხორციელდება და მისი ღირებულება 625 000 ლარია.

„სოფელ მუშევანამდე მისასვლელი გზის მშენებლობა გასულ წელს დავიწყეთ და მოსახლეობის მოთხოვნით ბეტონის დაგების სამუშაოებს წელსაც აქტიურად ვახორციელებთ. აღსანიშნავია, რომ ბეტონის საფარს ექსპლუატაციის ხანგრძლივი პერიოდი აქვს, ამიტომ მოსახლეობა ამ გზით კომფორტულად დიდი ხნის განმავლობაში ისარგებლებს“, - განაცხადა ბოლნისის მუნიციპალიტეტის მერმა დავით შერაზადიშვილმა.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული