მარინა ეზუგბაია - პაციენტი, რომელსაც კორონავირუსი გუშინ დაუდგინდა, ინფიცირების ახალ წყაროს არ წარმოადგენს და იტალიასთან კონტაქტში მყოფი პირია

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში მყოფი 7 პირის ანალიზის პასუხს დღის განმავლობაში ელოდებიან.

ამასთან, როგორც მარინა ეზუგბაია განმარტავს, პაციენტი, რომელსაც გუშინ კორონავირუსი დაუდგინდა, ინფიცირების ახალ წყაროს არ წარმოადგენს და ის იტალიის წყაროსთან კონტაქტში მყოფი პირია.

„გუშინ 21 პირის ტესტირება უნდა ჩატარებულიყო, ჩატარდა სამ ეტაპად. პირველი ორი ეტაპიდან ჩატარებული ტესტირებით მხოლოდ ერთთან იყო დადებითი და 13 უარყოფითი პასუხი გვქონდა, ახლა ველით გვიან ღამით ჩატარებული ტესტირებების პასუხს, 7 პასუხს, რომელიც მესამე ეტაპად ჩატარდა.

როგორც იცით, გუშინ დაგვემატა ერთი ახალი პაციენტი და კორონავირუსის დადასტურებული შემთხვევა ჩვენთან 21-დან 22-მდე გაიზარდა, ე.ი. ქვეყანაში - 25-ია. ეს პაციენტიც არ არის ახალი წყარო, არის არსებული წყაროებიდან. როგორც ჩვენ ვიცით, გვაქვს იტალიის 2 წყარო და ერთ-ერთი იტალიის წყაროსთან კონტაქტში მყოფი პირია. ეს სამედიცინო ჯგუფია, ჯანდაცვის ჯგუფი და იქ არსებული კონტაქტია. შემოტანილი შემთხვევების კონტაქტში მყოფი პირველი პირების დაინფიცირებას ჰქვია პირველი გენერაცია. ჩვენ ჯერ არ გავცილებულვართ ამ პირველ გენერაციას და ეს არის კარგი“, - განაცხადა მარინა ეზუგბაიამ.

როგორც მარინა ეზუგბაია ასევე აღნიშნავს, ყველა კონტაქტი აბსოლუტურად შესწავლილია.

„მე მინდა გიპასუხოთ, რომ აბსოლუტურად შესწავლილია ყველა იმ პაციენტთან დაკავშირებული კონტაქტი, რომელთაც ვირუსი იტალიიდან შემოიტანეს. ამას მეთვალყურეობს საზოგადოებრივი ჯანდაცვის სამსახური“,- აღნიშნა ეზუგბაიამ.

იხილეთ ვიდეო: ბოლო ინფორმაცია ინფექციური საავადმყოფოდან

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა