ფოთში თვითიზოლაციაში 6 ადამიანი იმყოფება. ისინი იტალიიდან, საფრანგეთიდან და გერმანიიდან არიან ჩამოსულები. ფოთის საზოგადოებრივი ჯანდაცვის ცენტრის ინფორმაციით, ყველა იცავს იზოლაციის წესებს და სიტუაცია მართვადია.
„თვითიზოლაციაში ამჟამად არის 6 ადამიანი, ერთი არის ჩამოსული იტალიიდან, ერთი - საფრანგეთიდან, ოთხი- გერმანიიდან. რაც შეეხება ასაკს, ერთი 18 წლისაა, დანარჩენები არიან 30-დან 45 წლამდე. მათი ჯამრთელობის მდგომარეობა კარგია, არცერთს არ აღენიშნება ტემპერატურა. არიან ცალკე იზოლირებულ ოთახში. საკვების მიწოდება ხდება ოჯახის წევრების მიერ დისტანციურად. დღეისათვის სიტუაცია არის აბსოლუტურად მართვადი, ყველა იცავს იზოლაციის წესებს და არანაირ დარღვევას არა აქვს ადგილი“, - განაცხადა საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.