ისრაელი სკოლებსა და უნივერსიტეტებს დროებით დახურავს. ამის შესახებ ქვეყნის პრემიერ-მინისტრმა, ბენიამინ ნეთანიაჰუმ განაცხადა.

„ჩვენ ვხურავთ სკოლებსა და უნივერსიტეტებს. ჩვენ ისეთი გლობალური მოვლენის წინაშე ვდგვართ, რაც ჩვენი სახელმწიფოს არსებობის მანძილზე არასდროს გვინახავს“,-აღნიშნა ნეთანიაჰუმ.

მისი თქმით, მთავრობა გარკვეული პერიოდი საგანგებო რეჟიმში იმუშავებს და ოპოზიციას ერთად დგომისკენ მოუწოდა.

„ჩვენ ერთად უნდა ვიმუშაოთ და ათობით ათასი ადამიანის სიცოცხლე გადავარჩინოთ“,-განაცხადა ნეთანიაჰუმ.

ცნობისთვის, ამ დროისთვის worldometer-ის მონაცემებით, ისრაელში კორონავირუსის 109 შემთხვევა ფიქსირდება.