თავდაცვის სამინისტროს გორის სამხედრო ჰოსპიტალის საკარანტინო სივრცეში გუშინ მოთავსებული პაცირებიდან ორს კორონავირუსი არ დაუდასტურდა. კიდევ 4 საეჭვო შემთხვევაზე ლუგარის ლაბორატორიაში ნიმუშები დღეს გაიგზავნება და პასუხები ხვალისთვის გახდება ცნობილი.
გორის სამხედრო ჰოსპიტალის დირექტორის, დავით ბარლიანის ინფორმაციით, ამ დროისთვის, გორის საკარანტინო სივრცეში 49 პაციენტია მოთავსებული. მათგან 45 საქართველოს მოქალაქეა, 4 კი - სხვა ქვეყნის მოქალაქე.
ბარლიანის განცხადებით, ჰოსპიტალში მოთავსებული ყველა პირის ჯანმრთელობის მდგომარეობა დამაკმაყოფილებელია, გართულებები არ ფიქსირდება და შესაბამისად, განსაკუთრებული ჩარევის საჭიროება დღის წესრიგში არ დგას.
გორის ჰოსპიტალის საკარანტინო სივრცეში მოთავსებულ ყველა პაციენტს იტალიაში მოგზაურობის ისტორია აქვს ან რისკჯგუფში მყოფი ქვეყნებიდან დაბრუნებულ პირებთან კონტაქტში იმყოფებოდნენ.
გორის სამხედრო ჰოსპიტალში მოთავსებული პირებიდან საკარანტინო სივრცე 8 პაციენტმა დატოვა.