თელავის წყალმომარაგების სისტემების მშენებლობა აქტიურად მიმდინარეობს. როგორც “ინტერპრესნიუსს“ თელავის მერიიდან აცნობეს, მუნიციპალიტეტის მერი შოთა ნარეკლიშვილი კახეთის მხარეში სახელმწიფო რწმუნებულთან ირაკლი ქადაგიშვილთან ერთად ალაზნის გამზირსა და კავკასიონის ქუჩაზე მიმდინარე სამუშაოებს გაეცნო.

პროექტის ფარგლებში სამი ახალი ჭაბურღილი მოეწყობა და ასევე, მოხდება მოსახლეობის ინდივიდუალური გამრიცხველიანება.

სამუშაოები მიმდინარე წლის შემოდგომაზე დასრულდება, რის შემდეგაც თელავის მოსახლეობას წყლის მიწოდება გაუუმჯობესდება. პროექტზე 3 მილიონ ლარზე მეტი დაიხარჯება.