ბათუმის ინფექციურ საავადმყოფოში ხუთი ადამიანი შეიყვანეს, მათ ვირუსისთვის საეჭვო ნიშნები აღენიშნებათ,- ამის შესახებ აჭარის ჯანდაცვის მინისტრმა ზაალ მიქელაძემ ბრიფინგზე განაცხადა. მისი ინფორმაციით, მოქალაქეები ევროპის ქვეყნებიდან არიან ჩამოსული.

ზაალ მიქელაძის თქმით, დღის განმავლობაში გახდება ცნობილი ლაბორატორიული კვლევის პასუხი.

ამასთან, მისივე ინფორმაციით, აჭარაში 30- ზე მეტი მოქალაქე კარანტინში იმყოფება.

„ხუთი წუთის წინ, ბათუმის ინფექციურ საავადმყოფოში, ევროპის ქვეყნებიდან ჩამოსული, ვირუსისთვის საეჭვო ნიშნის მქონე ხუთი მოქალაქე მოვათავსეთ. თქვენ იცით, რომ ლუგარის ლაბორატორიის ფილიალი აჭარაშია და ამ ტესტების გაკეთება მოქალაქეებზე დაიწყო. რამდენიმე საათში პირველადი შედეგები გვექნება",- აღნიშნა ზაალ მიქელაძემ.