ლადო პაპავა - მთავრობის გეგმას დადებითად ვაფასებ - პრემიერი, ეკონომიკური გუნდი კომუნიკაციას არ მოერიდა, კარგი იქნება თუ ეროვნული ბანკიც მათ მიბაძავს

პროფესორი ლადო პაპავა მთავრობის ეკონომიკური სტიმულირების გეგმას დადებითად აფასებს. როგორც პაპავამ "ინტერპრესნიუსს" საკითხის კომენტირებისას განუცხადა, გამორიცხული არაა, სამომავლოდ დამატებითი ზომების მიღება გახდეს საჭირო.

“მთავრობის გეგმას, რომელიც დღეს მოვისმინეთ დადებითად ვაფასებ. პრაქტიკულად ეს გეგმა არის ზუსტად ის, რაც ამ ეტაპზე საქართველოს ეკონომიკას სჭირდება. კრიზისი, რომელიც ახლა გლობალური ხასიათისაა განაპირობა არა იმდენად ეკონომიკამ, რამდენადაც თვითონ პანდემიამ, ამიტომ იმის ბოლომდე პროგნოზირება, რა მოხდება ეკონომიკაში შეუძლებელია. ამ ეტაპზე ის პრევენციული ზომები, რომლებიც მთავრობამ შეიმუშავა მისასალმებელია. როგორც პრემიერ-მინისტრმა, ისე ეკონომიკური გუნდის წევრებმა დეტალურად ისაუბრეს ყველაფერზე რისი თქმაც მათი მხრიდან აუცილებელი იყო, ისინი კომუნიკაციას არ მოერიდნენ და კარგი იქნება თუ ეროვნული ბანკის ხელმძღვანელობაც მიბაძავს მთავრობას, რომ მაქსიმალურად კომუნიკაცია დაამყაროს საზოგადოებასთან” ,-აღნიშნა პაპავამ.

მისივე თქმით, დღეს სოლიდარობა ყველაზე მთავარია.

ლადო პაპავა ასევე დადებითად აფასებს ფონდ "ქართუს" მზაობას, რომ მთავრობის დასახმარებლად ფინანსური რესურსი გამოყოს.

ცნობისთვის, დღეს პრემიერ-მინისტრმა გიორგი გახარიამ ეკონომიკური სტიმულირების გეგმა წარადგინა, რომელიც მთავრობამ კორონავირუსის გავრცელებიდან გამომდინარე ეკონომიკაზე ნეგატიური ზემოქმედების შესამცირებლად შეიმუშავა. გეგმის თანახმად, 4 ნომრიდან 50 ნომრამდე მცირე სასტუმროებისთვის 6 თვის განმავლობაში სესხის პროცენტს სახელმწიფო დაფარავს. მთავრობის გადაწყვეტილებით, კაპიტალურ ხარჯებსა და ინფრასტრუქტურულ პროექტებში დამატებით, წლის ბოლომდე ინვესტირებული იქნება 300 მილიონი ლარი. სასტუმროებსა და რესტორნებს, ტურისტულ სააგენტოებს, სატრანსპორტო და საექსკურსიო კომპანიებს ქონებისა და საშემოსავლო გადასახადი 4 თვით გადაუვადდებათ. 2020 წელს დაგეგმილი დღგ-ს დასაბრუნებელი თანხა-600 მილიონი ლარი, გაორმაგდება. ასევე, საჭიროების შემთხვევაში კომერციული ბანკები კომპანიების სესხების რესტრუქტურიზაციას მოახდენენ. ფიზიკური პირები კი აუცილებლობის შემთხვევაში, 3 თვის განმავლობაში სესხის მომსახურეობის ვალდებულებისგან გათავისუფლდებიან.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა