თელავის მუნიციპალიტეტის მერიამ სამარშრუტო ტაქსების მძღოლებს სპეციალური სადეზინფექციო ხსნარები გადასცა.

როგორც „ინტერპრესნიუსს“ თელავის მერიიდან აცნობეს, უკვე მესამე დღეა საზოგადოებრივი ტრანსპორტის სადეზინფექციო სამუშაოები აქტიურ რეჟიმში მიმდინარეობს.

პროცესს ადგილზე გაეცნო თელავის მუნიციპალიტეტის მერი შოთა ნარეკლიშვილი.

შეგახსენებთ, საქართველოს პრემიერ-მინისტრის მიერ გაცემული რეკომენდაციის შესაბამისად, კორონავირუსის პრევენციის მიზნით, თელავის მუნიციპალიტეტის მერია დროებით გადავიდა დისტანციური მუშაობის რეჟიმზე.