ამირან გამყრელიძე - მიმდინარეობს ჯანდაცვის სექტორის სერიოზული მზადება,  რომ ინფიცირებულთა რაოდენობის მატების შემთხვევაში, ყოველმხრივ მზად იყოს

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის ინფორმაციით, ქვეყნაში ახალი კორონავირუსის ეპიდსაშიშროებიდან გამომდინარე, ჯანდაცვის სექტორის სერიოზული მზადება მიმდინარეობს.

გამყრელიძის თქმით, ინფიცირებულთა რაოდენობის მატების შემთხვევაში, სამედიცინო ქსელი, მზად უნდა იყოს როგორც შესაბამისი მარაგებით, ისე მატერიალურ-ტექნიკური ბაზით.

„მიმდინარეობს ჯანდაცვის სექტორის სერიოზული მზადება, შესაბამისი საავადმყოფოების, შესაბამისი პირველადი ჯანდაცვის ქსელის, რომ თუ განვითარდა ეპიდემია და სერიოზულად იმატა ინფიცირებულების რაოდენობამ სამედიცინო ქსელი ამისთვის ყოველმხრივ იყოს მზად, როგორც მატერიალურ-ტექნიკური ბაზით, ისე შესაბამისი მარაგებით“, - განაცხადა ამირან გამყრელიძემ.

ცნობისთვის, საქართველოში კორონავირუსით ინფიცირების 25 შემთხვევა არის დადასტურებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.

ამასთან, ვებ-გვერდზე გამოქვეყნებული ინფორმაციიდან ირკვევა, რომ კარანტინის რეჟიმში 314 ადამიანია, ხოლო სტაციონარში მეთვალყურეობას 63 ადამიანი გადის.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა