წყალტუბოში, სანატორიუმში 98 მოქალაქე რჩება. გუშინ სანატორიუმში კიდევ 14 პირი შეიყვანეს.
როგორც დაავადებათა კონტროლის იმერეთის სამმართველოს უფროსი გოჩა გიორგიძე აცხადებს, სანატორიუმში საავადმყოფოებსა და თვითიზოლაციაში მყოფი მოქალაქეები დაბრუნდნენ და მათ უკვე ჩაუტარდათ შემოწმება, რამაც აჩვენა, რომ კორონავირუსი არ აღმოაჩნდათ.
გოჩა გიორგიძის თქმით, ამ დროისთვის საკარანტინო სივრცეში მყოფი ყველა მოქალაქის მდგომარეობა დამაკმაყოფილებელია და მათ შემოწმება უტარდებათ.
გუშინ სანატორიუმში თვითიზოლაციის წესების დამრღვევი ერთი პირი შეიყვანეს. დღეს კი ერთი მოქალაქე, რომელსაც საკარანტინე ვადა ამოეწურა, სახლში დაბრუნდება.