საქართველოს წითელი ჯვრის საზოგადოება აქტიურად აგრძელებს მოხალისეთა მობილიზებას ახალი კორონავირუსის (COVID-19) გავრცელების რისკის შესამცირებლად, მოსახლეობის ინფორმირებისათვის და პრევენციული ზომების გასატარებლად. ორგანიზაციის ინფორმაციით, მოხალისეებს მიეცემათ შესაძლებლობა, ჩაერთონ სხვადასხვა საქმიანობაში:

"მოსახლეობის ინფორმირება პრევენციულ ზომებთან დაკავშირებით; თვითიზოლაციაში მყოფი, ასევე სოციალურად დაუცველი და ქრონიკული დაავადებების მქონე მარტო მცხოვრები ხანდაზმულებისა და განსაკუთრებული საჭიროების მქონე პირებისათვის პროდუქტების, ჰიგიენური ამანათების და მედიკამენტების მიტანა, ცხელი ხაზი; დაგვიკავშირდით ☎️ 2 96 10 92; 595 50 80 71; 599 00 98 60; ან მოგვწერეთ პირად შეტყობინებაში. მსურველები შემოგვიერთდით, ერთად შევაჩეროთ COVID-19",-ნათქვამია განცხადებაში.