ფოთში თვითიზოლაციაში მყოფი პირების რაოდენობა გაიზარდა. საზოგადოებრივი ჯანდაცვის ცენტრის ინფორმაციით, ყველა მათგანი მკაცრად იცავს თვითიზოლაციის წესებს და მათი მდგომარეობა დამაკმაყოფილებელია.

„დღეისათვის 12 ადამიანი გვყავს თვითიზოლაციის რეჟიმში. აქედან ერთი, 40 წლამდე მამაკაცი ესპანეთიდან ჩამოვიდა, დანარჩენები 18-დან 42 წლამდე მამაკაცები კი გერმანიიდან. თითოეული მათგანის მდგომარეობა არის დამაკმაყოფილებელი. გუშინვე მოხდა ყველა საიზოლაციო სივრცის შეფასება, აკმაყოფილებს რეკომენდაციით გათვალისწინებულ მოთხოვნებს. თვითონაც ძალიან გაგებით მოეკიდნენ ამ საკითხს, მკაცრად იცავენ თვითიზოლაციის წესებს და სათანადო პირობებში იმყოფებიან. ჯერჯერობით კლინიკურად არანაირი გამოვლინება არა აქვთ“, - განაცხადა საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.