ბაზრობა "თერგის" მოვაჭრეების ნაწილი გაიფიცა. როგორც ერთ-ერთმა მოვაჭრემ „ინტერპრესნიუსთან“ საუბრისას განაცხადა, კორონავირუსის პანდემიის გამო, ისინი ბაზრობის ორი კვირით დაკეტვას და გადასახადის დროებით შეჩერებას მოითხოვენ. მისივე ინფორმაციით, ამ ეტაპზე მოვაჭრეთა ნაწილი მუშაობას მხოლოდ იმის გამო განაგრძობს, რომ თანხა აქვთ გადასახდელი.

„საქონელი რომ გავშალოთ, ჩეკი უნდა გადავიხადოთ, მაგრამ კლიენტი არ შემოდის, რადგან მთავრობა აცხადებს, რომ ხალხო არ გახვიდეთ, დახურულ სივრცეებში არ იაროთო. დაკეტონ ცოტა ხანი, ორი კვირით და გადასახადი არ გადავიხადოთ, მაგრამ დირექცია ამას არ აკეთებს. ახლა ზოგს აქვს გაშლილი საქონელი, ზოგს -არა, ვერ წყვეტს ხალხი, რა გააკეთოს“,- განაცხადა ერთ-ერთმა მოვაჭრემ.