რუსთავში, სასტუმრო „რუსთავში" მოწყობილ საკარანტინო ზონაში ამ დროისთვის 91 პირია მოთავსებული. მათგან ორი, საკარანტინო ზონაში საპატრულო პოლიციამ თვითიზოლაციის წესის დარღვევისთვის გადაიყვანა, დანარჩენი კი მაღალი რისკის ქვეყნებიდან ჩამოსული პირები არიან. როგორც ,,ინტერპრესნიუსს" სასტუმრო „რუსთავის" ადმინისტრაციაში განუცხადეს, კარანტინში მყოფთა ჯანმრთელობის მდგომარეობა სტაბილურია და ექიმის დაკვირვების ქვეშ იმყოფებიან. მისივე თქმით, ყველა უზრუნველყოფილია საჭირო ნივთითა და ჰიგიენის საშუალებებით, ასევე სამჯერადი კვებით.