„თამბაქოს კონტროლის ალიანსი“ თამბაქოს კომპანიას უკანონო სპონსორობაში ადანაშაულებს

„თამბაქოს კონტროლის ალიანსის“ ინფორმაციით, იაპონური თამბაქოს კომპანია „„ჯითიეი” უკანონო სპონსორობას ეწევა.

მათი ცნობით, აღნიშნული კომპანია კორპორატიული პასუხისმგებლობის თემაზე მომუშავე ჟურნალისტების დაჯილდოების ღონისძიებაში პარტნიორად მონაწილეობდა.

„ბოლო ასეთი ღონისძიება 18 თებერვალს გაიმართა. ორგანიზატორი „სტარტეგიული კვლევებისა და განვითარების ცენტრი“ იყო, რომელმაც „საქართველოს სამოქალაქო საზოგადოების მდგრადი ინიციატივის“ პროგრამის ფარგლებში დაფინანსება ევროკავშირისა და კონარდ ადენაური ფონდისაგან მიიღო. ეს საერთაშორისო ორგანიზაციები კატეგორიულად ემიჯნებიან თამბაქოს ინდუსტრიასთან ყოველგვარ პარტნიორულ ურთიერთობებს. დაჯილდოების ცერემონიაზე იაპონური თამბაქოს კომპანიამ ფულადი პრემიებით დააჯილდოვა მისთვის გამორჩეული ორი ჟურნალისტი, რომელთაც ქალაქ ვენაში, აპრილის თვეში დაგეგმილ „ევროპის საგამომცემლო კონგრესში“ მონაწილეობას დაუფინანსებს.

ზემოაღნიშნული ფაქტით იღვევა „რეკლამისა“ და „თამაბაქოს კონტროლის“ კანონების, ასევე „თამბაქოს კონტროლის ჩარჩო კონვენციის“ ვალდებულებები. კერძოდ, 2018 წლის 1-ელი მაისიდან აკრძალულია თამბაქოს კომპანიის მიერ ნებისმიერი ღონისძიების სპონსორობა. ამასთან, ათწლეულებია საერთაშორისო საზოგადოება შეთანხმებულია, რომ კორპორატიული სოციალური პასუხისმგებლობა აეკრძალოთ კომპანიებს, რომელთა პროდუქცია მომხარებლების ნახევარს კლავს და უდიდესი მორალური და ფინანსური პრობლემები მოაქვს ქვეყნების ეკონომიკური განვითარებისათვის.

შესაბამისად, ჩვენი კანონმდებლობითაც აკრძალულია თამაბქოს კომპანიების მიერ რომელიმე ორგანზიაციის ან პირის საქმიანობაში წვლილის შეტანა.

სერიული მკვლელობების ორგანიზატორი თამბაქოს ინდუსტრია და მისი ნებისმიერი წარმომადგენელი კომპანია კორპორატიულ სოციალურ პასუხისმგებლობას იმიჯის ასამაღლებლად იყენებს. ამ ჟესტით ისინი აცხადებენ, რომ თითქოს „ზრუნავენ“ მომხმარებლებზე.

სინამდვილეში, მედიის წარმომადგენლების ნებსით, თუ უნებლიე მხარდაჭერით ცდილობენ საკუთარი ბიზნესის მიმართ ლოიალობის მოპოვებას.

ამ კონკრეტულ შემთხვევაში, გაუგებრობაში აღმოჩნდა ისეთი სერიოზული და მნიშვნელოვანი ორგანზაცია, როგორიც ევროკავშირი და კონრად ადენაუერის ფონდია. სამუხაროდ, ორგანიზატორმა ორგანიზაციამ თამბაქოს ინდუსტრიასთან პარტნიორული ურთიერთობის შედეგად, აღნიშნულ საერთაშორისო ორგანიზაციებთან ერთად საკუთარ თავსაც უხერხულობა შეუქმნა. ამასთან, თამბაქოს კომპანიას საშუალება მისცა, ასეთი მნიშვნელოვანი ღონისძიება საკუთარი საქმიანობის პოპულარიზაციის, და მედიისა და საზოგადოების ლოალობის მოპოვებაში გამოეყენებინა”, - ნათქვამია „თამბაქოს კონტროლის ალიანსის“ მიერ გავრცელებულ ინფორმაციაში.

ალიანსი მოითოვს, შემოსავლების სამსახურმა და შესაბამისმა უწყებებმა დაუყოვნებლივ შეისწავლონ მომხდარი და შესაბამისი საჯარიმო სანქცია განახორციელონ კომპანია „ჯითიეი“-ზე და კომპანიასთან დაკავშირებული ღონისძიების ორგანიზატორებზე.

„მოვუწოდებთ, თამბაქოს კომპანიის მიერ დაჯილდოებულ ჟურნალისტებს, საზოგადოებრივი და სოციალური პასუხისმგებლობიდან გამომდინარე, უარი განაცხადონ თამბაქოს ინდუსტრიის დაფინანსებით, ვენაში დაგეგმილ ღონისძიებაში მონაწილეობაზე. თამბაქოს ინდუსტრიას მათი სახელის საკუთარი ინტერესებისათვის გამოყენების შესაძლებლობას ნუ მისცემენ. საერთაშორისო და დონორ ორგანიზაციებს ვთხოვთ, მომავალში გაითვალისწინონ აღნიშნული ფაქტი და საგრანტო ან სახელშეკრულებო პირობებში შეიტანონ მოთხოვნა, რომ გრანტის მიმღებ ორგანიზაციას ეკრძალება თამბაქოს ინდუსტრიისაგან დამატებით ნებისმიერი სახის რესურსის თუ დახმარების მიღება”, - აღნიშნულია განცხადებაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება