დამამძიმებელ გარემოებებში ჩადენილ მკვლელობის მცდელობაში, ყაჩაღობასა და თავისუფლების უკანონო აღკვეთაში ბრალდებულებს 18 წლით თავისუფლების აღკვეთა მიესაჯათ

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და დამამძიმებელ გარემოებებში ჩადენილ მკვლელობის მცდელობაში, ყაჩაღობასა და თავისუფლების უკანონო აღკვეთაში ბრალდებულები შ.გ. და ი.ი. დამნაშავედ ცნო. ამის შესახებ „ინტერპრესნიუსს“ გენერალური პროკურატურიდან აცნობეს.

უწყების ინფორმაციით, სასამართლოში წარდგენილი მტკიცებულებებით დადგინდა, რომ 2018 წლის 10 ოქტომბერს, ქ. თბილისში, შ.გ. და ი.ი. ყაჩაღურად თავს დაესხნენ ს.ჰ.-ს მისსავე საცხოვრებელ სახლში, ზეწრით შეუკრეს ხელები და ფეხები, დამჭერებით დაუბეს თითები, შემდეგ კი განზრახ მოკვლის მიზნით გულმკერდის მარცხენა და მარჯვენა არეში, ბეჭისა და სახის არეში დაზიანებები მიაყენეს.

„სახლიდან გაიტაცეს 6.632 ლარი, 300 ლარის ღირებულების კაზინოს მონეტები, ,,აიფონ 6’’-ის ფირმის მობილური ტელეფონი, ,,ასუსის’’ ფირმის ლეპტოპი, ჩანთა, 3000 ლარად ღირებული საათები და შემთხვევის ადგილიდან მიიმალნენ.

შ.გ.-ს და ი.ი.-ს 2018 წლის 15 ოქტომბერს დაუსწრებლად წარედგინათ ბრალდება საქართველოს სისხლის სამართლის კოდექსის 19,109-ე მუხლის პირველი ნაწილის ,,გ’’, მე-2-ნაწილის ,,ე’’ და მე-3 ნაწილის ,,გ’’ ქვეპუნქტებით (სხვა დანაშაულის ჩადენის გაადვილების მიზნით, ანგარებით განზრახ მკვლელობის მცდელობა, ჩადენილი ჯგუფურად), 179-ე მუხლის მე-2 ნაწილის ,,ბ’’, მე-3 ნაწილის ,,,ბ’’ და ,,გ’’ ქვეპუნქტებით (ყაჩაღობა, ჩადენილი ჯგუფურად, ბინაში უკანონო შეღწევით, დიდი ოდენობით ნივთის დაუფლების მიზნით), 143-ე მუხლის მე-2 ნაწილის ,,გ’’, მე-3 ნაწილის ,,ა’’ და ,,დ’’ ქვეპუნქტებით). ორივე ბრალდებულს აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ შ.გ. და ი.ი. დაუსწრებლად, სრულად ცნო დამნაშავედ წარდგენილ ბრალდებაში და სასჯელის სახედ და ზომად თითოეულს, 18 წლით თავისუფლების აღკვეთა განუსაზღვრა. მათ მიმართ მიმდინარეობს ძებნა”, - აღნიშნულია ინფორმაციაში.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება