სილვიო დომენტე - ჯანმრთელობის მსოფლიო ორგანიზაციის ექსპერტებთან ერთად აქტიურად ვმუშაობთ ჯანდაცვის სამინისტროსთან, რათა გავაუმჯობესოთ საავადმყოფოების მზაობა

ჯანმრთელობის მსოფლიო ორგანიზაციის ექსპერტებთან ერთად აქტიურად ვმუშაობთ ჯანდაცვის სამინისტროსთან, რათა გავაუმჯობესოთ საავადმყოფოების მზაობა , - ამის შესახებ ჯანდაცვის მსოფლიო ორგანიზაციის საქართველოს ოფისის ხელმძღვანელმა სილვიო დომენტემ განაცხადა.

მისი განცხადებით, საქართველოში კორონავირუსთან დაკავშირებული სიტუაცია ბევრად უკეთესია ვიდრე ზოგიერთ ევროპულ ქვეყანაში, თუმცა სიტუაციის გამწვავების შემთხვევაში ქვეყანა მზად უნდა იყოს.

„კორონავირუსთან დაკავშირებული სიტუაცია ძალიან სწრაფად, თითქმის ყოველდღიურად იცვლება. ჩვენ თვალს ვადევნებთ, როგორც გლობალურად არსებულ მდგომარეობას, ასევე რეგიონალურ დონეზე. ზოგიერთ ევროპულ ქვეყნებში ვირუსი უკვე ქვეყნის შიგნით გავრცელდა, ანუ დაფიქსირდა ადგილობრივი გადაცემის არაერთი შემთხვევა, ისეთ ქვეყნებში როგორიცაა იტალია, გერმანია, საფრანგეთი, ესპანეთი და სხვა. აღნიშნული კი ძალიან მძიმედ აწვება სამედიცინო დაწესებულებებს, რადგან მიმართვიანობა საკმაოდ გაზრდილია. საქართველოში მდგომარეობა ჯერჯერობით ბევრად უკეთაა, აქ ფიქსირდება მხოლოდ პატარა კლასტერები. მიუხედავად იმისა, რომ უკვე დაფიქსირდა ვირუსის შიდა გადაცემა, არაა შიდა გავრცელება. თუმცა ქვეყანა მზად უნდა იყოს, უნდა მომზადდეს ჯანდაცვის სექტორი და სამედიცინო დაწესებულებები, იმ შემთხვევაში თუ სიტუაცია გამწვავდება. აქვე ვურჩევ საქარველოს მოსახლეობას მაქსიმალურად დაიცვან რეკომენდაციები და მოერიდონ სხვა ადამიანებთან ხშირ და ახლო კონტაქტს. დაიცვან სოციალური დისტანცია“, - აღნიშნა სილვიო დომენტემ.

ინფორმაციას საქართველოს ჯანდაცვის სამინისტრო ავრცელებს.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა