შიდა ქართლის გუბერნატორის განცხადებით, თვითიზოლაციაში მყოფი პირების მონიტორინგი მნიშვნელოვანია

ახალი კორონავირუსის გავრცელების პრევენციის მიზნით, შიდა ქართლში მიმდინარე ღონისძიებების ფარგლებში, მხარის გუბერნატორმა გიორგი ხოჯევანიშვილმა საპატრულო პოლიციის წარმომადგენელთან და რეგიონის ჯანდაცვის ცენტრების ხელმძღვანელებთან კონფერენცია გამართა. პანდემიის პირობებში არსებული რეკომენდაციების გათვალისწინებით, კონფერენცია ონლაინ რეჟიმში გაიმართა.

შიდა ქართლის რეგიონში შემავალი მუნიციპალიტეტების საზოგადოებრივი ჯანდაცვის ცენტრების ხელმძღვანელებმა მხარის რწმუნებულს კორონავირუსის გავრცელების მხრივ რეგიონში არსებულ რისკებზე, თვითიზოლაციაში მყოფ პირებსა და თვითიზოლაციის პროცესის მონიტორინგის მიმართულებით არსებულ მდგომარეობაზე მიაწოდეს ინფორმაცია.

„დაავადებათა კონტროლისა და საზოგადოებრივი ჯანმრთელობის დაცვის სამსახურების წარმომადგენლებისგან დეტალური ინფორმაცია მივიღეთ თვითიზოლაციის პროცესთან დაკავშირებით. მოგეხსენებათ, ამ მხრივ მონიტორინგი ძალზე მნიშვნელოვანია და ასევე მნიშვნელოვანია კოორდინირებულად მუშაობა. აღნიშნულის გარდა, მოვისმინეთ ინფორმაცია ახალი კორონავირუსის გავრცელების პრევენციის მიზნით გაცემული რეკომენდაციების შესრულების თაობაზე. რეგიონში ვითარება სტაბილურია, კონტროლს ექვემდებარება“, - განაცხადა ხოჯევანიშვილმა.

შიდა ქართლში, გორის სამხედრო ჰოსპიტალის საკარანტინო სივრცეში მოთავსებული პირების გარდა, თვითიზოლაციის რეჟიმში 25-მდე ადამიანი იმყოფება.

პრემიერ-მინისტრის ხელმძღვანელობით შექმნილი საკოორდინაციო საბჭოს ფარგლებში, შიდა ქართლის გუბერნატორის ხელმძღვანელობით, რეგიონში საკოორდინაციო სამუშაო ჯგუფი მოქმედებს. საქართველოს რეგიონებში შექმნილ საკოორდინაციო ჯგუფებს კოორდინაციას უწევენ რეგიონული განვითარებისა და ინფრასტრუქტურის სამინისტრო და საქართველოს პრემიერ-მინისტრის მრჩეველი რეგიონალურ საკითხებში სოზარ სუბარი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება