ბათუმის ინფექციურ საავანმყოფოს ბოქსირებულ განყოფილებაში მოთავსებულ მამაკაცს კორონავირუსი არ დაუდასტურდა,- ამის შესახებ აჭარის ჯანდაცვის სამინისტროში განაცხადეს.

ახალგაზრდა მამაკაცი რისკ-ქვეყნიდან ჩამოვიდა საქართველოში და საკარანტინო სივრცეში იმყოფებოდა. იგი მედიკოსებმა ტემპერატურის მატების გამო, გუშინ შეიყვანეს კლინიკაში.

ბათუმის ბოქსირებულ განყოფილებაში, მხოლოდ ერთი პაციენტი რჩება, რომელსაც კვლევის შედეგად, კორონავირუსი გუშინ დაუდასტურდა. კლინიკის ექიმების ინფორმაციით, ქალის ჯანმრთელობის მდგომარეობა დამაკმაყოფილებელია, მას ტემპერატურა არ აღენიშნება.

ცნობისთვის, აჭარაში საკარანტინო სივრცეში 200-ზე მეტი მოქალაქე იმყოფება, ხოლო თვით იზოლაციაში 100 -ზე მეტი..