გედევან ფოფხაძე - დღეს შექმნილი ვითარება კიდევ ერთხელ უსვამს ხაზს ძლიერი სახელმწიფოს და ძლიერი ინსტიტუტების მნიშვნელობას

დღეს შექმნილი ვითარება კიდევ ერთხელ უსვამს ხაზს ძლიერი სახელმწიფოს და ძლიერი ინსტიტუტების მნიშვნელობას, - ამის შესახებ ფრაქცია „დამოუკიდებელი დეპუტატების“ წევრმა გედევან ფოფხაძემ პლენარულ სხდომაზე განაცხადა. მისი განცხადებით, განსაცდელმა გამოიწვია ის, რომ სახელმწიფო ისევ საჯარო ინტერესის სამსახურშია.

„დღეს შექმნილი ვითარება კიდევ ერთხელ უსვამს ხაზს ძლიერი სახელმწიფოს და ძლიერი ინსტიტუტების მნიშვნელობას. საქართველოს უახლოეს წარსულში ეს ცოტა დავიწყებული იყო იმიტომ, რომ ან ზედმეტი ლიბერალიზმის თეზისებით ან ვიღაცის კერძო ინტერესების გამო, სახელმწიფო არ იყო საჯარო ინტერესის სამსახურში. დღეს ჩვენ ვკეტავთ საზღვრებს, ჩვენი ქვეყნის შვილებს ისევ უკან ვეძახით, რომ მათ აქ მონახონ თავშესაფარი და ისევ სახელმწიფო ინტიტუტებით ვცდილობთ ჩვენი ერის დაცვას. აი, ეს განცდა ჩვენ მარტო გაჭირვების ჟამს კი არ უნდა გვქონდეს, მთლიანად უნდა სდევდეს პოლიტიკურ პროცესს. სხვანაირი მიდგომა და პრიორიტეტები ანგრევს სახელმწიფოს მნიშვნელობას. თუ მაინც და მაინც განსაცდელი და გამოცდა იყო საჭირო ამის გასახსენებლად, დაე, ეს განსაცდელი ამ კუთხით გამოვიყენოთ და იმაზე ვიფიქროთ, რომ საქართველოს იქით ამ ქვეყნის შვილებს სხვა მზრუნველი და პატრონი არ ჰყავს. იმის უფლება არ გვაქვს, რომ სახელმწიფო რესურსი ვიღაცას თავისი ამბიციების დასაკმაყოფილებლად გამოვაყენებინოთ. ეს ყველაფერი უნდა მოხმარდეს ჩვენს ხალხსა და ქვეყანას,“ - განაცხადა ფოფხაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!