ადვოკატი დეკანოზ გიორგი მამალაძის სასჯელის გადავადებასთან დაკავშირებით სასამართლოს გადაწყვეტილებას გაასაჩივრებს

ე.წ. ციანიდის საქმეზე მსჯავრდებული დეკანოზის სასჯელის გადავადებასთან დაკავშირებით სასამართლოს გადაწყვეტილებას დეკანოზის ადვოკატი გაასაჩივრებს. როგორც პროცესის დასრულების შემდეგ დეკანოზ გიორგი მამალაძის ადვოკატმა ქეთი ჩუთლაშვილმა განაცხადა, სასამართლომ სასულიერო პირის ჯანმრთელობის მდგომარეობასთან დაკავშირებით ექსეპერტიზის დასკვნა არ გაიზიარა.

„დასკვნით სიტყვაში ყველა იმ გარემოების შესახებ მივუთითეთ, რომელიც სასამართლოს საფუძველს და შესაძლებლობას აძლევდა, რომ დეკანოზის მიმართ განაჩენის აღსრულება გადაევადებინა. კერძოდ, ჩვენ მივუთითეთ, რომ სასამართლო პროცესზე მოწმის სახით დაკითხულმა ექსპერტებმა დადასტურეს, რომ დეკანოზის ჯანმრთელობის მდგომარეობა მძიმე იყო და ეს მდგომარეობა შეუთავსებელი იყო სასჯელის მოხდის პირობებთან. ასევე მივუთითეთ, რომ მისმა მკურნალმა ექიმმა განმარტა, რომ გიორგი მამალაძის ქცევა ნამდვილად არ ატარებდა სიმულაციურ ხასიათს, მისი ჯანმრთელობის მდგომარეობა იყო მძიმე და მუდმივად მწოლიარე მდგომარეობაში იმყოფებოდა. ჩვენი მითითების მიუხედავად, სასამართლომ არ გაიზიარა ეს გარემოებები. სასამართლოს განმარტებით, ექსპერტიზის დასკვნიდან არ დგინდებოდა, რომ დეკანოზის ჯანმრთელობის მდგომარეობა მძიმე იყო. თუმცა, სასამართლომ ძალიან პოზიტიურად გაუსვა ხაზი და აღნიშნა, რომ მან დეკანოზის ქცევაში სიმულაციური ხასიათი ვერ დაინახა, არ გაიზიარა სასჯელაღსრულების მიერ წარდგენილი ექსპერტიზის დასკვნა, რომლის თანახმადაც, თითქოს, გიორგი მამალაძის ქცევა სიმულაციურ ხასიათს ატარებდა. თუმცა, სასამართლომ მიუთითა, რომ დეკანოზის ჯანმრთელობის მდგომარეობა სასჯელის მოხდის პირობებთან შეუსაბამო არ იყო. სასამართლოს ამ შეფასებას არ ვეთანხმებით და მას გავასაჩივრებთ“, - განაცხადა ჩუთლაშვილმა.

შეგახსენებთ, რომ ე.წ. ციანიდის საქმეზე მსჯავრდებულ დეკანოზ გიორგი მამალაძეს სასჯელი არ გადაუვადდა. აღნიშნული გადაწყვეტილება თბილისის საქალაქო სასამართლოს მოსამართლე ლილი მსხილაძემ მიიღო.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია