დავით ბაქრაძე - ჩვენ, პასუხისმგებლიანმა ოპოზიციამ დღეს გამონაკლისის სახით მივიღეთ მონაწილეობა კენჭისყრაში და მხარი დავუჭირეთ კომისიის შექმნას

ჩვენ, პასუხისმგებლიანმა ოპოზიციამ დღეს ერთჯერადი გამონაკლისის სახით მივიღეთ მონაწილეობა კენჭისყრაში და მხარი დავუჭირეთ კომისიის შექმნას,- ამის შესახებ “ევროპული საქართველოს” ლიდერმა დავით ბაქრაძემ პარლამენტში ჟურნალისტებთან განაცხადა.

მისივე თქმით, საპარლამენტო საქმიანობაში მათი სრულად დაბრუნება შეთანხმების სრულად შესრულების შემდეგ იქნება შესაძლებელი.

როგორც ბაქრაძე აცხადებს, მოლაპარაკების ყველა მხარემ, მათ შორის ხელისუფლებამ და დიპლომატიურმა კორპუსმა იციან, თუ რაზე შედგა შეთანხმება.

„საკონსტიტუციო განხილვების კომისიის შექმნა არის აუცილებელი ნაბიჯი 8 მარტის შეთანხმების შესრულების გზაზე იმისთვის, რომ საქართველო გადავიდეს ახალ საარჩევნო სისტემაზე - 120 პროპორციულზე და 30 მაჟორიტარზე, ამიტომ ჩვენ, პასუხისმგებლიანმა ოპოზიციამ დღეს ერთჯერადი გამონაკლისის სახით მიღეთ მონაწილეობა კენჭისყრაში და მხარი დავუჭირეთ კომისიის შექმნას, ვინაიდან ჩვენ ვასრულებთ ჩვენ ნაკისრ ვალდებულებებს ოპოზიციას და ხელისუფლებას შორის შეთანხმების შესასრულებლად. რაც შეეხება ზოგადად ჩვენს დაბრუნებას საპარლამენტო საქმიანობაში და ვითარების ნორმალიზაციას, ჩვენი პოზიცია არის აბსოლუტურად მკაფიო, ვითარების ნორმალიზაციას სჭირდება შეთანხმების სრულად შესრულება, როგორც საარჩევნო ნაწილში ასევე პოლიტიკური დევნის შეწყვეტის და პატიმრების გათავისუფლების ნაწილში, ამიტომ ვითარება ჩაითვლება ნორმალიზებულად, პოლიტიკური კლიმატი მოწესრიგდება და ჩვენ როგორც ოპოზიცია დავუბრუნდებით სრულფასოვან საპარლამენტო საქმიანობას მხოლოდ მაშინ, როცა დავინახავთ შეუქცევად პროგრესს შეთანხმების ორივე ნაწილის შესრულების გზაზე,“- განაცხადა დავით ბაქრაძემ.

მისივე თქმით, მნიშვნელოვანი არ არის თუ როგორია ხელისუფლების ან ოპოზიციის რიტორიკა შეთანხმებასთან დაკავშირებით, რადგან ეს განცხადებები ახლა ამომრჩეველზეა უმესტესწილად ორიენტირებული.

„გასაგებია, რომ ჩვენ ვართ პოლიტიკურ პროცესში, გასაგებია, რომ ყველა პარტია და ძალა მის მომხრეებს ეუბნება ისეთ მესჯის, რისი გაგონებაც და გამხნევებაც მის მომხრეებს სჭირდება, ამიტომ მე არ მივაქცევდი განსაკუთრებულ ყურადღებას რიტორიკას არც ერთი მხრიდან - არც უმრავლესობის და არც ოპოზიციის მხრიდან, მთავარია პროცესი გაგრძელდეს და ამ პროცესში ვიხილოთ კონკრეტული შედეგი. ამ შედეგისთვის დრო არის, წინ გვაქვს ჯერ კიდევ მთელ თვეზე მეტი, სანამ საკონსტიტუციო ცვლილებები დადგება პირველი მოსმენით კენჭისყრაზე. ამიტომ ნუ მივაქცევთ ყურადღებას რიტორიკას, იმედი მაქვს, რომ იქნება კონკრეტული ნაბიჯები, რომელიც წაგვიყვანს შეთანხმების შესრულებისკენაც და ზოგადად, პოლიტიკური კლიმატის ნორმალიზაციისკენ,“- განაცხადა დავით ბაქრაძემ.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს