კორონავირუსის გავრცელების პრევენციის გამო აჭარაში ბაზრობები დროებით დაიხურება

აჭარის რეგიონში ბაზრობები დროებით დაიხურება , - გადაწყვეტილება აჭარის ავტონომიური რესპუბლიკის მთავრობაში მიიღეს. აჭარის ფინანსთა და ეკონომიკის მინისტრის ჯაბა ფუტკარაძის ინფორმაციით, შეზღუდვა სააფთიაქო და სასურსათო სექტორს არ შეეხება.

ჯაბა ფუტკარაძე აცხადებს, რომ ე.წ ხოფის ბაზრობაზე მოვაჭრეები 1-ელ აპრილამდე საიჯარო გადასახადისგან გათავისუფლდებიან.

"აჭარის მთავრობამ მიიღო გადაწყვეტილება, ვირუსის გავრცელების პრევენციის უზრუნველსაყოფად ხოფის ბაზარზე მომუშავე ობიექტებს პირველ აპრილამდე შეუჩერდეს საქმიანობა. შეზღუდვა არ შეეხება სააფთიაქო და სასურსათო სექტორის წარმომადგენლებს. აღნიშნული შეზღუდვა გავრცელდება აჭარის ტერიტორიაზე არსებულ ყველა საბაზრო და სავაჭრო ლოკაციაზე. საქმიანობის შეჩერების განმავლობაში ყველა ეს ობიექტი გათავისუფლდება იჯარის გადასახადისგან", - განაცხადა ჯაბა ფუტკარაძემ.

აჭარის სოფლის მეურნეობის მინისტრის ტიტე აროშიძის ინფორმაციით, სასურსათო ქსელებზე მონიტორინგს უწყება განახორციელებს, რათა ფასების ზრდა არ მოხდეს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს