„სინერჯი კაპიტალი“ თავისი პორტფელის „ჰორეკას“ კომპანიების ინვესტორებს მათი წილების აქციებში კონვერტაციას სთავაზობს.
ამის შესახებ „სინარეჯი კაპიტალი“ განცხადებას ავრცელებს, სადაც წერია, რომ მომავალში ინვესტორებს კვლავ მიეცემათ შესაძლებლობა ისევ კომპანიების წილში გადაიტანონ მათი აქტივი.
„მოგეხსენებათ ჩვენს პორტფელში რამდენიმე კომპანიაა, რომელიც ჰორეკას სექტორს წარმოადგენს, ნაწილი უშუალოდ ტურისტებზეა გათვლილი. კორონავირუსით შექმნილი მდგომარეობიდან გამომდინარე ჩვენ ჩვენს ინვესტორებს, ვინც ამ კომპანიების წილებს ფლობენ, ვთავაზობთ, რომ „სინერჯი კაპიტალის“ პრივილეგირებულ აქციებში დააკონვერტირონ მათი წილი, ვისაც ამის სურვილი აქვს. ვინაიდან მათი სიმშვიდე ჩვენთვის ძალიან მნიშვნელოვანია. მეორე მხრივ, ჩვენ ვაგრძელებთ ამ კომპანიების განვითარებაზე ზრუნვას განსხვავებული მიდგომებით და გვჯერა, რომ ამ რთულ პერიოდს წარმატებით გადაიტანენ. ამის შემდეგ ამ ინვესტორებს კვლავ მივცემთ შესაძლებლობას ისევ კომპანიების წილში გადმოიტანონ მათი აქტივი“ - აცხადებენ „სინერჯი კაპიტალში“.