ზუგდიდის მერი მარკეტებისა და ცენტრალური ბაზრის წარმომადგენლებს შეხვდა

კორონავირუსის გავრცელების პრევენციული ღონისძიებების ფარგლებში, ზუგდიდის მუნიციპალიტეტის მერი გიორგი შენგელია და მერის პირველი მოადგილე გიგა ფარულავა, ზუგდიდის მუნიციპალიტეტში მოქმედ ქსელური მარკეტებისა და ცენტრალური ბაზრის წარმომადგენლებს შეხვდნენ. აღნიშნულის შესახებ „ინტერპრესნიუსს“ ზუგდიდის მერიიდან აცნობეს.

როგორც მათ ინფორმაციაშია აღნიშნული, შეხვედრაზე მუნიციპალიტეტში არსებული სასურსათო მარაგისა და ფასების რეგულირების საკითხი განიხილეს. როგორც მარკეტების მენეჯერებმა აღნიშნეს, მუნიციპალიტეტში სასურსათო მარაგის პრობლემა არ დგას და შემოტანის პროცესიც შეუფერხებლად მიმდინარეობს. მათივე თქმით, ინტენსიურად ტარდება სადეზინფექციო სამუშაოებიც.

როგორც გიორგი შენგელიამ განაცხადა, მუნიციპალიტეტში სასურსათო მარაგის პრობლემა არ დგას და ამ მხრივ სტაბილური ვითარებაა. ,,მინდა დავამშვიდო ჩვენი მოქალაქეები და ვუთხრა, რომ არანაირი სასურსათო დეფიციტი არ გვაქვს მუნიციპალიტეტში", - განაცხადა მერმა.

შეხვედრაზე მერმა მეწარმეებს მოუწოდა, არ დაუშვან პროდუქტზე ფასების ხელოვნური ზრდა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა