ქუთაისში არასამთავრობო ორგანიზაციამ "პოსტერუმ ქუთაისი" საინფორმაციო კამპანია ჩაატარა. ორგანიზაციის წევებმა კორონავირუსთან დაკავშირებით ქალაქის ქუჩებში ბუკლეტები დაარიგეს. ბუკლეტებზე დატანილია ინფორმაცია, თუ როგორ უნდა დაიცვას მოსახლოებამ თავი ვირუსისგან.
ორგანიზაციის წევრების თქმით, მათი მიზანია, მოახდინონ საზოგადოების ინფორმირებულობა და მიაწოდონ მათ დეტალური ინფორმაცია.
"გადავწყვიტეთ, ამ ფორმით მივაწოდოთ მოსახლეობას ინფორმაცია. მათ დავურიგეთ ბუკლეტები, რომელზეც დეტალურად წერია, როგორ უნდა დაიცვან თავი. ეს აქცია სხვადასხვა ფორმით გაგრძელდება", -განაცხადეს ორგანიზაციის წევრებმა.
მათ ბუკლეტები მერიაშიც დაარიგეს და ხელისუფლებას ლარის გაუფასურების შესაჩერებლად მეტი ქმედითი ნაბიჯის გადადგმისკენ მოუწოდეს.