ქვეყანაში შექმნილი ვითარებიდან გამომდინარე, ასევე საქართველოს ხელისუფლების მიერ კორონავირუსის პრევენციის მიზნით მიღებული რეკომენდაციების გათვალისწინებით, აჭარის უმაღლეს საბჭოში „მინისტრის საათი“, რომელზეც აჭარის ა.რ. განათლების, კულტურისა და სპორტის მინისტრი მაია ხაჯიშვილის ანგარიში უნდა მოესმინათ, 16 აპრილამდე გადაიდო. ამის შესახებ „ინტერპრესნიუსს“ აჭარის უმაღლესი საბჭოდან აცნობეს.
მათივე ინფორმაციით, გადაწყვეტილება აჭარის ავტონომიური რესპუბლიკის უმაღლესი საბჭოს ბიუროს სხდომაზე ერთხმად მიიღეს.