რუსთავში, სასტუმრო "რუსთავის" გარდა, კიდევ ერთი საკარანტინე ზონა დღეს გაიხსნება. ამის შესახებ, რუსთავის მერმა ირაკლი ტაბაღუამ, ცოტა ხნის წინ სპეციალურ ბრიფინგზე განაცხადა.

როგორც რუსთავის მერმა აღნიშნა, მეორე საკარანტინო ზონა სასტუმრო „გრანდ-ვეჯინში“ გაიხსნება, სადაც უკვე მომზადებულია 56 ნომერი, რომელშიც სავარაუდოდ დღესვე განთავსდებიან რისკ ქვეყნებიდან საქართველოში დაბრუნებული მოქალაქეები.

ამასთან, სასტუმრო „რუსთავში" გახსნილ საკარანტინე ზონაში ამ დროისთვის 83 პირია განთავსებული, 14-მა კი თვითიზოლაციაში გადაინაცვლა, მათი ჯანმრთელობის მდგომარეობა სტაბილურია და ექიმების მეთვალყურეობის ქვეშ იმყოფებიან. სულ რუსთავში თვითიზოლაციაში 39 პირი იმყოფება, რომლებიც ბოლო ორი კვირის განმავლობაში ევროპის ქვეყნებიდან დაბრუნდნენ.