ზუგდიდში მრავალბინიანი სახლების სადარბაზოებს, ღია სივრცეებსა და სასოფლო ამბულატორიებს დეზინფექცია ჩაუტარდა

კორონავირუსის გავრცელების პრევენციული ღონისძიებების ფარგლებში, დღეს ზუგდიდში სადეზინფექციო სამუშაოები ჩატარდა. როგორც „ინტერპრესნიუსს“ ზუგდიდის მერიიდან აცნობეს, დეზინფექცია ჩაუტარდა მრავალბინიანი სახლების სადარბაზოებს, ღია სივრცეებსა და სასოფლო ამბულატორიებს.

მათივე ცნობით, სადეზინფექციო სამუშაოების მიმდინარეობას ზუგდიდის მუნიციპალიტეტის მერის მოადგილე კონსტანტინე კაკავა და საკრებულოს თავმჯდომარე მამუკა წოწერია გაეცნენ.

„ზუგდიდის მუნიციპალიტეტში სადეზინფექციო სამუშაოებმა მასშტაბური ხასიათი მიიღო, დღეს მრავალბინიანი საცხოვრებელი სახლების სადარბაზოები და საერთო სივრცეები სპეციალური ხსნარით დამუშავდა, ასევე სპეციალური ხსნარით დამუშავდა მოსაცდელები. ასევე, სადეზინფექციო სამუშაოები ჩაუტარდა 52 სკოლას, 62 საბავშვო ბაღს და ყველა სახელოვნებო და სპორტულ დაწესებულებას. ყოველდღიურ რეჟიმში სპეციალური ხსნარით მუშავდება საზოგადოებრივი ტრანსპორტი. გვინდა მაქსიმალურად დავიცვათ ყველა ის რეკომენდაცია, რომელიც საქართველოს მთავრობის მიერ არის გაცემული, კიდევ ერთხელ ვთხოვთ ჩვენს მოქალაქეებს გამოვიჩინოთ მაღალი სამოქალაქო პასუხისმგებლობა და დავიცვათ რეკომენდაციები“, -აღნიშნა კონსტანტინე კაკავამ.

როგორც ზუგდიდის მერიაში აცხადებენ, სადეზინფექციო სამუშაოები სხვადასხვა ადმინისტრაციულ ერთეულში დღის ბოლომდე გაგრძელდება.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა