ზუგდიდში პირბადეების წარმოება დაიწყო

ზუგდიდში პირბადეების წარმოება დაიწყო. როგორც სოციალურ სამკერვალო საწარმო "ჰანგ"-ისდამფუძნებელმა, რუსლან საჯაიამ “ინტერპრესნიუსს“ განუცხადა, სამედიცინო პირბადეების წარმოება დღეიდან დაიწყო.

მისი განცხადებით, ერთჯერადი პირბადეები შეკვეთით იკერება და ერთეულის ღირებულება 50 თეთრს შეადგენს.

„დაგვიკავშირდა ერთ-ერთი ორგანიზაცია, რომელსაც პირბადეები სჭირდებოდა. ამ ეტაპზე შეკვეთების მიხედვით ვაპირებთ მუშაობას, სანამ ნედლეულის უფრო მეტ მარაგს შემოვიტანთ. პირველ ეტაპზე 600-მდე პირბადის შეკვეთა გვაქვს და კიდევ შემოდის წერილები. სამედიცინო პირბადეები ყველა სტანდარტისა და ნორმების დაცვით მზადდება“,-აცხადებს საწარმოს დამფუძნებელი.

მისივე თქმით, სამკერვალო საწარმოში სულ 10 ადამიანი და მათ შორის 3 შშმ პირია დასაქმებული. ამასთან, კომპანია რეკომენდაციებს ითვალისწინებს და ამჟამად ადგილზე მხოლოდ ის პირები მუშაობენ, ვინც პირბადეებს კერავს, ტარდება სადეზინფექციო სამუშაოები.

ცნობისთვის, ეკონომიკის და მდგრადი განვითარების მინისტრის ნათია თურნავას განცხადებით, საქართველოში პირბადეების დამზადებაში ათამდე სამკერვალო საწარმოა ჩართული.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს