კორონავირუსის გამო გატარებული ღონისძიებები სამეგრელო-ზემო სვანეთის სახელმწიფო რწმუნებულმა დისტანციურ თათბირზე განიხილა

სამეგრელო-ზემო სვანეთის სახელმწიფო რწმუნებულმა რეგიონის მერებთან დისტანციური თათბირი გამართა და კორონავირუსის გავრცელების პრევენციის მიზნით რეგიონში მიმდინარე სამუშაოებზე ინფორმაცია მოისმინა. როგორც „ინტერპრესნიუსს“ სამეგრელო-ზემო სვანეთის სახელმწიფო რწმუნებულის ადმინისტრაციიდან აცნობეს, სახელმწიფო რწმუნებულმა ალექსანდრე მოწერელიამ მერებს ის დეტალები გააცნო რისი გატარებასაც ვირუსის გავრცელების პრევენციის მიზნით დამატებით მოახდენს.

თათბირზე მუნიციპალური სატრანსპორტო საშუალებების გადაადგილების, უფასო სასადილოების შეუფერხებლად მუშაობის, 70 წელს გადაცილებული სოციალურად დაუცველი მოქალაქეების საკვებით ბინაზე მომარაგების თემები განიხილეს. ასევე მიმოიხილეს თვითიზოლაციაში მყოფ პირთა მდგომარეობა და იზოლაციაში ყოფნის წესების დაცვის საკითხები.

„რეგიონში უკვე დაიხურა სპორტული დარბაზები, კაფე-რესტორნები, პრევენციის მიზნით აიკრძალა შიდა სამარშუტო მიკროავტობუსები.

კორონავირუსის გავრცელების პრევენციული ღონისძიებების ფარგლებში, დღეს ზუგდიდსა და სენაკში მრავალბინიანი საცხოვრებელი სახლების სადარბაზოებს სადეზინფექციო სამუშაოები ჩაუტარდა. პროცესი ხვალ დარჩენილ ობიექტებზე გაგრძელდება, მრავალბინიანი საცხოვრებელი კორპუსების დამუშავება მოხდება რეგიონის სხვა მუნიციპალიტეტებშიც.

სპეციალური ხსნარით უკვე დამუშავდა, სამეგრელო-ზემო სვანეთის რეგიონში არსებული ყველა სკოლა და საბავშვო ბაღი, სახელოვნებო და სპორტული დაწესებულებები. ყოველდღიურ რეჟიმში სპეციალური ხსნარით მუშავდება საზოგადოებრივი ტრანსპორტი. შექმნილია მოხალისეთა ჯგუფები, რომელებიც პირველ ეტაპზე, ჩართული არიან უფასო სასადილოში საკვების უსაფრთხოდ მიწოდების წესების დაცვაში. სახელმწიფო რწმუნებულის ადმინისტრაციასა და რეგიონის მუნიციპალიტეტების მერიებში მოქმედებს 24 საათიანი ცხელი ხაზი“,-ნათქვამია ინფორმაციაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს