ლარსის საბაჟო-გამშვებ პუნქტთან გაჩერებული, სურსათით დატვირთული 1000-ზე მეტი სატვირთო მანქანა, უამინდობის გამო, თბილისისკენ გამომგზავრებას ისევ ვერ ახერხებს.

როგორც „ინტერპრესნიუსს“ ფინანსთა სამინისტროს შემოსავლების სამსახურში განუცხადეს, ჯერჯერობით ისევ ზვავსაშიშროებაა და გზები ჩაკეტილია.

„როგორც კი საქართველოს საავტომობილო გზების დეპარტამენტიდან დაგვრთავენ ნებას, სატვირთო მანქანები დაიძრებიან“, - აცხადებენ ფინანსთა სამინისტროს შემოსავლების სამსახურში.

შეგახსენებთ, გუშინ, სოფლის მეურნეობის მინისტრმა ლევან დავითაშვილმა განაცხადა, რომ ლარსზე სურსათით დატვირთული 1000-ზე მეტი მანქანა დგას, ვინაიდან ზვავსაშიშროების გამო გზის გაწმენდითი სამუშაოების ჩატარება ვერ ხერხდება.