ბათუმის ინფექციურ საავადმყოფოს ბოქსირებულ განყოფილებაში ოთხი მოქალაქე კორონავირუსზე კვლევის შედეგებს ელოდება,- ამის შესახებ კლინიკის ექიმმა დავით მურვანიძემ ჟურნალისტებს განუცხადა. მისი ინფორმაციით, ოთხივე მოქალაქე საკარანტინო სივრციდან ტემპერატურის მატებით წუხელ შეიყვანეს, მათ რისკ-ქვეყნებში მოგზაურობის ისტორია აქვთ.

დავით მურვანიძის ინფორმაციით, კორონავირუსის მქონე მოქალაქის ჯანმრთელობის მდგომარეობა დამაკმაყოფილებელია.

"პაციენტს, რომელსაც კორონავირუსი დაუდასტურდა არავითარი ჩივილები არ გააჩნია. არც სიცხე და არც არავითარი პრობლემა არ აქვს“,- განაცხადა დავით მურვანიძემ.

ცნობისთვის, აჭარაში 500-ზე მეტი მოქალაქე საკარანტინო სივრცეში,ხოლო 200-მდე კი თვითიზოლაციაში იმყოფება.