თავდაცვის სამინისტროს გორის სამხედრო ჰოსპიტალიდან ლუგარის ლაბორატორიაში გაგზავნილ 10 საეჭვო შემთხვევაზე პასუხი უარყოფითია, პირებზე, რომლებიც მოგზაურობის ისტორიით ჰოსპიტალის საკარანტინო სივრცეში გუშინ შეიყვანეს, კორონავირუსით ინფიცირება არ დადასტურდა.
,,ამ დროისთვის, ჰოსპიტალის საკარანტინო ზონაში რჩება 57 პირი, მათგან 16 სამხედრო მოსამსახურეა, 41 კი - სამოქალაქო პირი. გუშინ ლაბორატორიაში 10 პირზე გაიგზავნა საკვლევი მასალა და ათივეს პასუხი უარყოფითია. ყველა პაციენტის მდგომარეობა არის დამაკმაყოფილებელი, რამდენიმე მათგანს უფიქსირდება დაბალი ტემპერატურული რეაქცია. რაც შეეხება შემდგომ ეტაპებს, დღეს ჩვენ დავიწყებთ როტაციას, დეტალურად მოხდება შესწავლა, გავიგებთ, თუ რომელ მათგანს აქვს თვითიზოლაციის საშუალება და შესაბამისად, ჩვენთან მოთავსებულთა რაოდენობა შეიცვლება, ეს ციფრები შემცირდება“, - განაცხადა გორის სამხედრო ჰოსპიტალის დირექტორმა დავით ბარლიანმა.