პარტია "ლელოს" ქუთაისის ოფისის წარმომადგენლებმა დღეს გამართულ ბრიფინგიზე გერმანიაში მყოფი ქართველი სტუდენტების პრობლემებზე ისაუბრეს.
როგორც ორგანიზაციის წევრი გიორგი ბერძენაძე აცხადებს, კორონავირუსის პრობლემების გამო, 22 სტუდენტს დამსაქმებელმა კონტრაქტები შეუწყვიტა, რის გამოც ქუჩაში დარჩნენ.
მისი თქმით, მათ გუშინ დაუკავშირდნენ სტუდენტები და დახმარება თხოვეს.
"ლელოს" ინფორმაციით, 22 სტუდენტიდან ოთხი ქუთაისიდან, ათი კი იმერეთის რეგიონიდანაა.
„სტუდენტებს თანხა არ აქვთ. ცდილობენ, დაუკავშირდნენ საელჩოს, თუმცა ცხელ ხაზზე მათ არ პასუხობენ. არიან ცუდ მდგომარეობაში. ახალგაზრდები საქართველოში დასაბრუნებლად ბილეთების შეძენას ვერ ახერხებენ. მივმართავთ ადგილობრივ და ცენტრალურ ხელისუფლებას, დაინტერესდნენ მათი პრობლემებით და დროულად მოხდეს დაბრუნება" - განაცხადა გიორგი ბერძენაძემ.