დავით ზალკალიანი - გამოვთქვამთ მზაობას, ჩვენს მოქალაქეებს, რომლებსაც პრობლემა შეექმნათ ევროკავშირში ლეგალურად ყოფნის ვადის გადავადების, ინდივიდუალურად გავუწიოთ დახმარება

გამოვთქვამთ მზაობას, რომ ჩვენს მოქალაქეებს, რომლებსაც პრობლემა შეექმნათ ევროკავშირში 90-დღიანი ლეგალურად ყოფნის ვადის გადავადების, ინდივიდუალურად გავუწიოთ შესაბამისი დახმარება, - ამის შესახებ საგარეო საქმეთა მინისტრმა დავით ზალკალიანმა კორონავირუსთან დაკავშირებით შექმნილი უწყებათაშორისი საკოორდინაციო საბჭო შეხვედრის დასრულების შემდეგ განაცხადა.

მისი თქმით, უწყება აქტიურ კომუნიკაციაშია როგორც ევროკომისიასთან, ისე ევროკავშირის წევრ ქვეყნებთან.

„ევროკომისიამ რეკომენდაცია გასცა ინდივიდუალური წევრების მიმართ, რომ მიიღონ შესაბამისი ზომები იმისთვის, რომ ადამიანებს, რომლებსაც ამ ფორსმაჟორული სიტუაციის გამო შეექმნათ პრობლემა, გარკვეულწილად გადაუვადდეთ ეს ვადები, ანუ ევროკავშირის ტერიტორიაზე ლეგალურად ყოფნის ვადები და ამ მიმართულებითაც ჩვენი საელჩოები და საკონსულოები მზად არიან, რომ დაეხმარონ მოქალაქეებს ამ კომუნიკაციაში ადგილსამყოფელი ქვეყნის მიხედვით. ჩვენ გამოვთქვამთ მზაობას, რომ ჩვენს მოქალაქეებს, რომლებსაც შეექმნათ პრობლემა ევროკავშირში 90 - დღიანი ლეგალურად ყოფნის ვადის გადავადების, ინდივიდუალურად გავუწიოთ შესაბამისი დახმარება თითოეული შემთხვევიდან გამომდინარე“, - განაცხადა ზალკალიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს