გურჯაანში მომუშავე სამარშრუტო ტაქსების მძღოლებმა აქცია გამართეს. მათ მუშაობის აკრძალვა გააპროტესტეს და გადასახადებზე გარკვეული შეღავათები მოითხოვეს.
„ჩვენი შემოსავალი ეს არის. თუ ვერ ვიმუშავეთ, ვერ გადავიხდით კომუნალურ და სხვა გადასახადებს. იქნება გადაგვივადონ ან დაგვეხმარონ“, - აცხადებენ მძღოლები.
ადგილზე მივიდა გურჯაანის მუნიციპალიტეტის მერი. არჩილ ხანდამაშვილი გაეცნო აქციის მონაწილეების მოთხოვნებს. მისი თქმით, მუნიციპალიტეტის მაჟორიტარ დეპუტატთან ერთად პრობლემის მოგვარებაზე იმსჯელებს.