საფრანგეთის პრეზიდენტის თქმით, ქვეყანა კრიზისის საწყის ეტაპზეა. ამის შესახებ ემანუელ მაკრონმა შინაგან საქმეთა მინისტრთან შეხვედრის დროს განაცხადა.

„ჩვენ კრიზისის დასაწყისში ვართ. ჩვენ საგანგებო ზომები მივიღეთ, რომ პირველი ტალღა აღმოგვეფხვრა. ჩვენი პასუხი ძლიერი უნდა იყოს და ყოველ წუთს შევძლოთ რეორგანიზაცია”, - აღნიშნა მაკრონმა.

ცნობისთვის, გუშინდელი მონაცემებით, საფრანგეთში კორონავირუსის 10 995 შემთხვევა იყო დაფიქსირებული, ხოლო დაღუპულთა რაოდენობამ 372-ს მიაღწია.