ფოთში, ახალი კორონავირუსის პრევენციის ღონისძიების ფარგლებში 49 მოქალაქე თვითიზოლაციაში იმყოფება, 6 ადამიანი კი საკარანტინო სივრცეშია გადაყვანილი.
საზოგადოებრივი ჯანდაცვის ცენტრის ინფორმაციით, ყველა მათგანის ჯანმრთელობის მდგომარეობა ამ ეტაპზე დამაკმაყოფილებელია.
„დღეს დაემატა 6 შემთხვევა, აქედან ერთი კარანტინის სივრცეში იქნა გადაყვანილი, რადგან აქ თვითიზოლაციის პირობები არ ჰქონდა და როგორც კი ჩამოვიდა ისრაელიდან, საგანგებო სიტუაციების მართვამ, ეგრევე გადაიყვანა აჭარაში კარანტინის პირობებში. დანარჩენები ნიგერიიდან და თურქეთიდან ჩამოვიდნენ. ჯამში არის 49 ადამიანი თვითიზოლაციაში, 6 კი კარანტინში. ყველას მდგომარეობა ნორმალურია, რეჟიმის დარღვევის ფაქტს არ ჰქონია ადგილი და არის სიმშვიდე ჯერჯერობით“ , - განაცხადა საზოგადოებრივი ჯანდაცვის ცენტრის დირექტორის მოადგილემ, ზინაიდა გაგუამ.