გურიაში ამ დროისთვის თვითიზოლაციაში 95 პირი იმყოფება. აქედან, 46 პირი ლანჩხუთში, 13 – ჩოხატაურში, 45 კი ოზურგეთის მუნიციპალიტეტში ირიცხება. საზოგადოებრივი ჯანმრთელობის ეროვნული ცენტრის გურიის განყოფილების ინფორმაციით, 6 მოქალაქეს დღეს თვითიზოლაციაში ყოფნის ვადა ამოეწურა.
მათივე ინფორმაციით, ყველა მათგანის ჯანმრთელობის მდგომარეობა დამაკმაყოფილებელია.
„ჩვენ მუდმივად ვაკონტროლებთ თვითიზოლაციაში მყოფ ადამიანებს. მათი ჯანმრთელობის მდგომარეობა სტაბილურია. საკარანტინო სივრცეში გურიიდან დღეს არავინ გაგვიგზავნია", - განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის გურიის განყოფილების უფროსმა, არჩილ მჟავიამ.