ბათუმის ინფექციურ საავადმყოფოში მოთავსებული კორონავირუსით ინფიცირებული ორი პირის ჯანმრთელობის მდგომარეობა სტაბილურია. ექიმის თქმით, პაციენტებს ჩივილები არ აღენიშნებათ.

ამასთან, როგორც ბათუმის ინფექციურ საავადმყოფოში აცხადებენ, გვიან ღამით, მათთან კორონავირუსის საეჭვო ნიშნებით ოთხი მოქალაქე საკარანტინო სივრციდან შეიყვანეს, რომლებსაც ტემპერატურა აღენიშნებოდათ. მათ მოგზაურობის ისტორია აქვთ. ოთხივე პირზე კვლევის შედეგები დღეს გახდება ცნობილი.

ამ დროისთვის აჭარაში საკარანტინო სივრცეში 600-ზე მეტი მოქალაქეა, ხოლო 100-ზე მეტი პირი თვითიზოლაციაში იმყოფება.

აჭარაში კორონავირუსის დადასტურებული სულ 2 შემთხვევაა. ორივეს მოგზაურობის ისტორია აქვს.