„საქართველოს ბანკი“ საგანგებო მდგომარეობის პირობებშიც აგრძელებს მომხმარებლისთვის სერვისების უწყვეტ რეჟიმში მიწოდებას.
როგორც „ინტერპრესნიუსს“ „საქართველოს ბანკიდან“ აცნობეს, შეუფერხებლად იმუშავებს თვითმომსახურების ცენტრებში განთავსებული სწრაფი ჩარიცხვის აპარატები და ბანკომატები.
მათივე ინფორმაციით, გაძლიერებული რესურსით იმუშავებს ცხელი ხაზი.
„ბანკის მომხმარებელი შეძლებს ისარგებლოს სერვისებით, როგორც ფიზიკურად, ასევე დისტანციური არხებით. “საქართველოს ბანკის” ყველა ციფრულ პროდუქტსა თუ მომსახურებაზე ინფორმაციის მიღება მომხმარებელს შეუძლია შემდეგ ბმულზე: https://bankofgeorgia.ge/ka/about/remote-services.
“საქართველოს ბანკი” არსებულ გამოწვევებს მომზადებული ხვდება“, - ნათქვამია ინფორმაციაში.