ინფექციური საავადმყოფოს სამედიცინო დირექტორის მარინა ეზუგბაიას ინფორმაციით, კორონავირუსით ინფიცირების 49-ე შემთხვევა აჭარაში დაფიქსირდა. ეზუგბაიას თქმით, მას ამ დროისთვის ბოლო დაავადებულის ისტორიის შესახებ ინფორმაცია არ აქვს.

„ 49-ე შემთხვევა არის აჭარაში. ანუ ახლა აჭარაში სამი დადასტურებული შემთხვევაა. არსებული პაციენტების მდგომარეობა შეცვლილი არ არის. ყველას მდგომარეობა სტაბილურია. ჯერჯერობით ამ 49 პაციენტში სამია საყურადღებო, პრობლემური, რომელთანაც შესაძლოა მოხდეს მდგომარეობის დამძიმება, თუმცა ჯერჯერობით თითოეულის მდგომარეობა სტაბილურია“,-აცხადებს ეზუგბაია.

ცნობისთვის, საქართველოში ამ დროისთვის კორონავირუსით ინფიცირების 49 შემთხვევა დაფიქსირდა.