აჭარაში კორონავირუსით ინფიცირებული მესამე ადამიანის ჯანმრთელობის მდგომარეობა დამაკმაყოფილებელია.
როგორც აჭარის ჯანდაცვის მინისტრმა ზაალ მიქელაძემ ჟურნალისტებს განუცხადა, კორონავირუსით ინფიცირებულს ჩივილები არ აღენიშნება.
“ვირუსისგან დავიცვათ ერთმანეთი და ოჯახის წევრები. ქვეყანამ სიტუაცია ეფექტურად მართა, პირველი ეტაპი იყო შეკავება, ეს ეტაპი არ დასრულებულა და ამ ეტაპზე ახლაც ვიმყოფებებით. აჭარაში საკარანტინო სივრცეში 800-ზე მეტი ადამიანია. ადამიანები, რომლებიც ქვეყნის გარედან დაბრუნდნენ ჩვენს ქვეყანაში, ისინი განსაკუთრებული მეთვალყურეობის ქვეშ არიან. მოვუწოდებ მათ, რომ რეკომენდაციები დაიცვან. იცით,რომ 49 დადასტურებული შემთხვევა გვაქვს, მესამე უკვე აჭარაშია",- განაცხადა ზაალ მიქელაძემ.