ხორვატიაში ძლიერი მიწისძვრა მოხდა

ხორვატიაში ძლიერმა მიწისძვრამ ნგრევა და პანიკა გამოიწვია. „ევრონიუსის“ ინფორმაციით, 5.3 მაგნიტუდის სიმძლავრის მიწისძვრა ადგილობრივი დროით დილის 6:23 საათზე მოხდა.

მიწისძვრის ეპიცენტრი ზაგრების ჩრდილოეთით 7 კილომეტრში, მიწიდან 10 კილომეტრის სიღრმეში დაფიქსირდა. სტიქიამ ქვეყნის დედაქალაქი ზაგრების ნაწილი შეარყია.

ევროპის სეისმოლოგიური სააგენტოს ცნობით, მოგვიანებით კიდევ ორი ბიძგი დაფიქსირდა. „ევრონიუსის“ ინფორმაციით, შეშინებული მოსახლეობა სახლებიდან გამოიქცა, გაითიშა ელექტროენერგიაც. ასევე, რამდენიმე ადგილზე გაჩნდა ხანძარიც.

მიწისძვრამ დაბზარა შენობების კედლები და დააზიანა სახურავები. სტიქიამ ზაგრების ცნობილი საკათედრო ტაძარიც დააზიანა, კონკრეტულად კი, ტაძრის ორი კოშკიდან, ერთის წვეტი ჩამოიშალა.

ხელისუფლების ინფორმაციით არიან დაშავებულებიც. კრონავირუსის გამო, ზაგრებში საგანგებო ზომებია შემოღებული.

იხილეთ ვიდეო:ხორვატიაში ძლიერი მიწისძვრა მოხდა

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა