საქართველოში ახალი კორონავირუსის დადასტურებული ხუთი ახალი შემთხვევიდან ერთი იმერეთის რეგიონში გამოვლინდა. არსებული ინფორმაციით, პაციენტი ქუთაისში ერთ-ერთ კლინიკაში იმყოფებოდა, რის შემდეგაც საჩხერეში გადაიყვანეს.

ინფორმაციას ადასტურებს საჩხერის სამედიცინო ცენტრის დირექტორი მიხეილ ქამუშაძე. მისი ინფორმაციით, პაციენტი მათთან წუხელ გვიან შეიყვანეს. საჩხერეში ვირუსით ინფიცირებული ოთხი პაციენტი იმყოფება.

ცნობისთვის, საქართველოში ახალი კორონავირუსის 54 შემთხვევა არის დადასტურებული. მათგან სამი გამოჯანმრთელდა.