მეუფე გერასიმე - როგორ წარმოგიდგენიათ პატრიარქის მსახურება მარტო, ან სასულიერო პირის მრევლის გარეშე?

ზუგდიდში ივერიის ღვთისმშობლის ხატის სახელობის ტაძარში საკვირაო წირვა-ლოცვა აღავლინეს. ტაძარში მყოფ მრევლს შენარჩუნებული ჰქონდა დისტანცია. ისინი წირვა-ლოცვის შემდეგ ზუგდიდისა და ცაიშის მიტროპოლიტმა მეუფე გერასიმემ აზიარა. მან ტაძარში მყოფ მოქალაქეებს ასევე მოუწოდა იმ რეკომენდაციების დაცვისკენ, რასაც ჯანდაცვის სამინისტრო გასცემს.

მისივე განმარტებით, 10-ზე მეტი ადამიანის შეკრების აკრძალვა ეკლესიას არ ეხება.

"პრემიერის შემდეგ გამოვიდა პარლამენტის თავმჯდომარე, რომელმაც ბრძანა, რომ 10-ზე მეტი კაცის შეკრება არ ეხება ეკლესიას. ჩვენთვის მოულოდნელი იყო ეს 10 ადამიანის ციფრი. თქვენ ხართ მემგონი ჟურნალისტები 10, დავამატოთ მრევლი და დავამატოთ პატრიარქის მსახურება, როგორ წარმოგიდგენიათ პატრიარქის მსახურება მარტო, ან სასულიერო პირის მრევლის გარეშე? შემდგომში, როდესაც მოხდა შეხვედრა პატრიარქსა და პრემიერს შორის ძალიან ბევრ რაღაცას მოეფინა ნათელი. კიდევ ერთხელ ვამბობ, დაცული უნდა იყოს ყველა რეკომენდაცია, რასაც ჯანდაცვის სამინისტრო თითოეულ ჩვენგანს გვაძლევს. პატარა ტაძრებში, მრევლის ნაწილი იქნება შიგნით ნაწილი გარეთ. ყველა ტაძარში არის ამის შესაძლებლობა. დამონტაჟდება გარე გახმოვანება. რაც შეეხება ზიარებას, მრევლი შეენაცვლება ერთმანეთს, ვინც შიგნითაა ზიარების შემდეგ გავლენ გარეთ და გარეთ მყოფნი შემოვლენ შიგნით",- ამბობს მეუფე.

რაც შეეხება ზიარების წესს. მეუფე გერასიმეს თქმით, ზიარების შესახებ არანაირი ცვლილება არ არის.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია